90% dos informes da declaración ambiental de Altri asináronos cargos de libre designación da Xunta da Galiza ( www.nosdiario.gal ) gallego

A gran maioría dos informes que sustentan a declaración de impacto ambiental (DIA) positiva que recibiu a celulosa proxectada por Altri na Ulloa foron asinados por persoal das altas esferas do Goberno galego elixido polo procedemento de libre designación, desde directores e directoras xerais até xefas e xefes de área e de servizo dos distintos departamentos involucrados na tramitación deste proxecto. Só dous enxeñeiros firmaron parte deses documentos.